martes, 23 de marzo de 2021

Naviza girl

Por motivos técnicos, o 15 de marzo non puidemos realizar a actividade de clausura dos 21 días co galego e +.
Mais hoxe foi o día escollido.
Isa Risco puxo fin a esta aventura con Naviza Girl, a obra de teatro sobre a superheroína galega, rematando un precurso que nos permitiu comprobar os poderes do noso idioma.
Os poderes do galego foi o lema e cos superpoderes de Naviza Girl rematamos.
Mil grazas a Isa e a Rosaura pola súa presenza!








Enquisas de valoración

As ligazóns das enquisas tédelas na publicación da xornada 11 dos 21 Días co Galego e +.

http://blogs.xunta.gal/21diascogalegoemais/2021/03/04/dia-11-ies-perdouro-entrada-ao-universo-literario-de-antia-yanez/

Se preferides ter as ligazóns por separado, tédelas aquí:

ALUMNADO

FAMILIAS

PERSOAL NON DOCENTE

PROFESORADO

 

ALUMNADO

Os códigos teñen que repartirse aleatoriamente de maneira que non se poida identificar quen cubriu a enquisa. O profesorado daravos o voso código.

FAMILIAS

Os responsables legais cobren a enquisa co mesmo código que o seu fillo e tantas veces como fillos teñan.

 PROFESORADO

Cobren a enquisa usando o código da súa materia.

luns, 15 de marzo de 2021

A palabra do día... LINGUA

Os 21 días co galego chegaron ao seu fin, mais tede presente que este proxecto se chama 21 días co galego e +

E ese nome débese a que queremos que o espírito que encheu o noso centro estes días non remate. Queremos seguir argallando actividades arredor do galego, queremos que vos divirtades en galego e queremos que a nosa lingua estea sempre nas vosas bocas.

Con este proxecto quixemos demostrarvos que en galego podedes achegarvos ás vosas tradicións e ao voso patrimonio, mais tamén que a nosa lingua nos enche de poder e nos fai modernos, porque é a nosa lingua a que nos define e a que nos fai ser quen somos.

Por iso, pedímosvos que alonguemos estes 21 días a moitos máis. 

Seguiremos publicando os vosos vídeos e todo aquilo que teña que ver coa nosa LINGUA.

E, como non podía ser doutra maneira, esa é a última palabra do día. Alba, Bruno e Lucía preséntannos a súa lingua.

 


domingo, 14 de marzo de 2021

O papel das mulleres na primeira Guerra Mundial

Para rematar a semana do 8M ofrecémosvos un marabilloso traballo sobre o papel das mulleres ao longo da primeira Guerra Mundial, que realizou o alumnado de 1º de Bacharelato coa axuda da súa profesora de Historia: Emilia Rodríguez.
Moitas grazas pola vosa achega aos 21 días co galego e +.




 

Efemérides. Tal día como hoxe... 14 de marzo.

Un 14 de marzo de 1971 falecía na cidade da Coruña Pedro Barrié de la Maza.

Julia e Eleonor descóbrennos quen foi este home nas efemérides de hoxe.



A palabra do día... orballo

O día amenceu gris e cae o orballo...
Semella que Silvia e Uxía estiveron ben acertadas ao escoller a súa palabra do día: orballo!
Estade atentos!



sábado, 13 de marzo de 2021

Daniel Lucas veu falarnos sobre o patrimonio indiano

Este venres recibimos outra das interesantes visitas que nos están a traer os 21 días co galego e +.

Nesta ocasión, Daniel Lucas Martínez, da Asociación de amigos do Pasatempo, veu falarnos da Horta de don Juan e do patrimonio que os irmáns García Naveira nos deixaron a todas as betanceiras e galegas.

Un auténtico pracer escoitalo. Mil grazas por vir!







Efemérides. Tal día como hoxe... 13 de marzo.

Como nos lembra Pablo Deive, un 13 de marzo de 1869 nacía na cidade da Coruña o filólogo Menéndez Pidal. Sobre el trata a efeméride de hoxe.

Imos con forza a poñerlle o ramo aos 21 días co galego e +!




A palabra do día... cómaro.

Quen non lembra andar a rolos polos cómaros mentres os maiores estaban nas leiras? 

Para os que non teñades lembranzas como esta, Iker e Santi explícanvos o que son os cómaros na nosa palabra do día 😜




xoves, 11 de marzo de 2021

Efemérides. Tal día como hoxe... 12 de marzo.


Hoxe temos vídeo de efemérides por duplicado.
E é que as pesoas de que Eva e Zaira falan nos seus vídeos ben o merecen, non en van son dous homes a quen a vila de Betanzos lles moito: Juan e Jesús García Naveira.
Observade os vídeos sobre estes mecenas betanceiros 👇👇

Ah! E non esquezades que na actividade dos 21 días co galego e + de hoxe teremos a visita da Asociación de amigos do Pasatempo para seguir falando dos irmáns García Naveira. 






A palabra do día... tirabeques.

Aínda non estamos no tempo dos tirabeques, mais comezan a darse...

Se non tedes nin idea do que son os tirabeques, escoitade a Sofía e a Rubén, que volo explican con moita claridade 👇👇



Dígocho eu! e Telexornal

Xa vos dixemos onte que estabamos a tope na prensa escrita e na radio. Pois seguindo nesa onda, hoxe tivemos unha visita moi especial no noso instituto.
Esther Estévez e Carlos Antón, do programa Dígocho eu! da TVG viñeron Ás Mariñas a contarnos como se fai o programa e a preparar un especial en que sairá o noso alumnado.
Ademais conectamos en directo co Bos días da Galega e saímos no Telexornal. Que máis se pode pedir?
Este 21 días co galego e + non nos dan máis que alegrías! 😆

Velaquí tedes a ligazón ao Telexornal: http://www.crtvg.es/informativos/o-equipo-do-digocho-eu-sorprenden-os-alumnos-do-ies-as-marinas-4864657

E algunhas imaxes: 





mércores, 10 de marzo de 2021

Efemérides. Tal día como hoxe... 11 de marzo.

A efeméride de hoxe non podía ser máis triste. O 11 de marzo de 2004 quedou gravado na memoria de todas as persoas que o vivimos dalgunha maneira. Oxalá barbaridades como esta non se repitan. 
Este vídeo leva consigo toda a nosa forza para as vítimas dos atentados de Madrid.
Grazas Ernest e Yago polo voso traballo.



A palabra do día... brétema

Están os días anubrados ultimamente, mesmo algo bretemosos. ⛅⛆⛆

Non, non estamos posuídos por Santiago Pemán, simplemente estamos a presentar a palabra do día de hoxe: brétema.

Deixámosvos con Ángel e Daniel:




Goretti Sanmartín Rei

Noutra das actividades dos 21 días co galego e +, o noso alumnado de 1º de Bacharelato acudiu hoxe a un relatorio a cargo de Goretti Sanmartín, doutora en Filoloxía Galega pola Universidade da Coruña.

A charla titulouse Muller e lingua e versou sobre a relación entre a lingua galega e o xénero feminino. Agardamos que fose ben proveitosa.

Grazas por vir, Goretti! 😊








Na prensa!

Estes 21 días co galego e + están a darnos moitas alegrías. Os días pasados puidestes oírnos na radio e hoxe recibimos o xornal Betanzos e a súa comarca, en que se menciona o noso traballo.

Radio, xornal... que será o seguinte? Mañá contámolo!! 🙊🙊






martes, 9 de marzo de 2021

Efemérides. Tal día como hoxe... 10 de marzo

Un 10 de marzo de 1944 publicábase en Bos Aires unha das obras chave de Afonso Daniel Rodríguez Castelao, Sempre en Galiza.

Nuria Gómez dávos todos os datos sobre o tema.




A palabra do día... chícharos.

A palabra de hoxe ten moito a ver coas cancións populares. Ou quen de vós non cantou nunca iso de "arroz con chícharos, patacas novas..."?

Pois ben, Casiana e Yago explican con detalle que son os chícharos




Mulleres galegas na historia

Esta semana, con motivo do 8M e dos 21 días co galego e +, no noso centro loce a exposición "Mulleres galegas na Historia".
A través do medio cento de cartaces que compoñen a exposición, podemos comprobar a presenza das mulleres nos ámbitos das ciencias, os deportes ou as artes.
Ademais, podedes realizar o cuestionario en liña a través do código qr que tedes a seguir ou na seguinte ligazón.
Bravas!












luns, 8 de marzo de 2021

Efemérides. Tal día como hoxe... 9 de marzo.

Nas efemérides de hoxe, Unai Platas fálanos de Fernando Rey, un actor coruñés que faleceu un 9 de marzo de 1994.

Ollade! 😉



A palabra do día... rebullón

A palabra do día de hoxe é rebullón, como ben vos explica Nerea (coa instimábel axuda á cámara de Rodrigo).

Atent@s!




domingo, 7 de marzo de 2021

Efemérides. Tal día como hoxe... 8 de marzo.

E se onte falabamos de Curros Enríquez, hoxe tócalle a Eduardo Pondal, outro dos grandes da tríada do Rexurdimento.
Pondal, como ben nos lembra Paula Rodríguez, falecía un 8 de marzo de 1917 na cidade da Coruña.



A palabra do día... empoderar!

Hoxe é o Día da Muller e a nosa palabra do día non pode ser outra que EMPODERAR.

Mario e Jesús explícanvos o significado desta palabra (que non se recolle no dicionario da RAG, por certo).

 



Galicia por diante fin de semana

Agardamos que escoitases a intervención de Ainara Cao, Javier Crespo e Amelia Sánchez no Galicia por diante fin de semana.

Se non foi así, deixámosvos a ligazón para escoitalos (a partir do minuto 47 😉).

http://www.crtvg.es/rg/podcast/galicia-por-diante-fin-de-semana-galicia-por-diante-fin-de-semana-do-dia-07-03-2021-4856272?t=1 






As palabras do día

Seguimos amosándovos elementos da decoración do centro nestes 21 días co galego e +.

Este é o mural coas 21 palabras do día que elaborou o noso alumnado de 1º ESO A. Grazas pola vosa colaboración!





Efemérides. Tal día como hoxe... 7 de marzo.

Un 7 de marzo de 1908 falecía en Cuba un dos tres grandes autores do Rexurdimento galego: Manuel Curros Enríquez.

Inés Yáñez explícavos brevemente quen foi este grande autor. Ollade 👇👇




A palabra do día... pinchacarneiro

Hoxe é domingo, loce o sol e seguro que vos presta tirarvos pola herba a dar pinchacarneiros.
Sofía e Xiana explícanvos como facelo.



sábado, 6 de marzo de 2021

Oímonos mañá!

Lembrade que mañá, a partir das 10:45h o noso instituto sairá na Radio Galega. Sintonizádenos!




Efemérides. Tal día como hoxe... 6 de marzo

Na nosa efeméride de hoxe, Manuel Freire preséntanos un dos elementos máis importantes do patrimonio das Mariñas: a igrexa de San Francisco.

Ollade:



A palabra do día... galopín

Bo día a tod@s!

A palabra do día deste sábado é galopín. Deixámosvos con Nerea e Alba, que vos explican o seu significado.



xoves, 4 de marzo de 2021

Efemérides. Tal día como hoxe... 5 de marzo.

Como ben nos lembra Sheila nas efemérides de hoxe, un 5 de marzo de 1888 nacía un dos mellores narradores da Literatura Galega: Ramón Otero Pedrayo.


 



A palabra do día... barallocas

A de hoxe é ben difícil 😅😅

Alba e Martín axúdannos a saber que é un barallocas. Queres sabelo? Mira, mira:




A moa e o pan

Na actividade de hoxe, o alumnado de 1º ESO acudiu a unha presentación da ruta A moa e o pan a cargo de Francisco Porto, de Compás Proxectos.

Agardamos que a situación mellore para poder facer a ruta 🙏

Mentres tanto, deixámosvos as imaxes da presentación ⏬⏬










mércores, 3 de marzo de 2021

Efemérides. Tal día como hoxe... 4 de marzo.

Martín Díaz preséntanos a efeméride de hoxe: un 4 de marzo de 1889 nacía Francisco Asorey.

Adiante cos 21 días co galego e +!




A palabra do día... poexo

E se nos relaxamos tomando unha infusión?

Pois Hugo e Mateo ofrécennos unha de poexo ⬇⬇⬇





 

Entroido de Saamede

Un ano máis e esta vez dentro do programa 21 días co galego e +, os integrantes do Entroido de Saamede visitaron o IES As Mariñas.

Sempre é un pracer contar coa xente de Saamede, que está a recuperar esta xoia do Entroido galego, única na provincia da Coruña.

Lume!!!!







martes, 2 de marzo de 2021

Efemérides. Tal día como hoxe... 3 de marzo

Bo día de novo!

Hoxe Bruno Barrós déixavos un vídeo sobre Roberto Tojeiro, nacido un 29 de febreiro (como este ano non ten 29 de febreiro, imos movelo ao noso gusto 😅 ).



A palabra do día... fervellasverzas

Estamos chegando ao ecuador dos nosos 21 días co galego e + e a nosa palabra de hoxe é: fervellasverzas!

Antón e Cibrán preséntannos esta palabra (moi acaída para ambos 😉).




Photocall

Non vos ensináramos a preciosidade de photocall que deseñou a nosa compañeira Marta co alumnado de Educación Plástica Visual e Artística.
Velaquí unhas imaxes:






luns, 1 de marzo de 2021

Efemérides. Tal día como hoxe... 2 de marzo

Nas efemérides de hoxe Nuria Sánchez fálanos de Xosé María Álvarez Bázquez, finado en Vigo o 2 de marzo de 1985.




  
 



A palabra do día... xesta

A nosa palabra do día lévanos ao monte, mais non é toxo, é xesta.

Deixámosvos o marabilloso traballo de Mara e de Uxía sobre ela.




Obradoiro de apropósitos de Entroido

Hoxe visitounos Sara Fraga Pérez, integrante do Proxecto Pesquedellas, un grupo de mozas betanceiras que traballa para achegar o folclore á mocidade.

Con ela, o alumnado de 4º de ESO traballou o tema dos apropósitos de Entroido e crearon un usando como base un tema de Bad Bunny.

Mil grazas pola túa visita, Sara, e seguimos cos 21 días co galego e +!!
















Fin de curso!!

Chegou o día!!! Por fin o ansiado o último día de clase está aquí e para celebralo, rockeamos en galego. Hoxe tivemos como convidados á BULE...