Con motivo da conmemoración do Día Internacional para a Erradicación da Violencia de Xénero, o alumnado da ESO estivo a traballar o tema da violencia machista nas horas de Titoría.
O resultado final deste labor de reflexión foi a realización dun mural sobre o tema, baixo o título "Bota unha man contra a violencia".
Queremos agradecer a Xosé Manuel, de 3º ESO C, o deseño e realización da imaxe central do mural.
Hoxe é 25 de novembro.
Hoxe é o Día Internacional contra a Violencia de Xénero.
Ao longo destes días, desenvolveremos actividades de concienciación arredor desta data e, para comezar, deixámosvos este vídeo, que é o resultado do programa Publigualdade. Este programa foi impartido o curso pasado e os seus destinatarios foron os alumnos e alumnas de 2º e 3º de ESO.
Agardamos que vos guste.
Para rematar coas actividades da Semana da Ciencia en Galego, recibimos a visita de dúas investigadoras do Instituto Oceanográfico da Coruña.
Nesta actividade, que organizou o Departamento de Bioloxía, o alumnado puido coñecer a vida mariña e as consecuencias da contaminación dos mares no seu ecosistema.
Moitas grazas polas vosas achegas, resultaron moooi interesantes!
O Departamento de Electricidade tamén fixo a súa achega á Semana da Ciencia en Galego.
Velaquí tedes uns pasatempos eléctricos para que pasedes un bo momento!
Graciñas pola vosa colaboración.
Seguimos coa Semana da Ciencia en Galego!
O mércores 18 de novembro o alumnado de 1º de Bacharelato participou nun obradoiro de xabróns artesáns.
E diredes vós: que ten que ver facer xabrón coa ciencia? Se o queredes saber, facede unha procura dos elementos físicos que interveñen neste proceso.
Moitas grazas ao Departamento de Bioloxía e a Lola Puñales por deseñar esta marabillosa actividade.
Como todas e todos puidestes comprobar, o IES As Mariñas está cheo de enigmas, literalmente!
A segunda das actividades da Semana da Ciencia en Galego que vos presentamos é unha procura e resolución de enigmas polas instalacións do centro que elaboraron os departamentos de Matemáticas e Física e Química.
Tedes que buscar e solucionar os 20 casos.
Tamén podedes atopar os enigmas nesta ligazón e lembrade que sortearemos agasallos entre todo o alumnado que participe. Animádevos!
Grazas Ana, Sofía e Teresa pola vosa marabillosa colaboración.
Comezamos a presentarvos as actividades da Semana da Ciencia en Galego.
O Departamento de Tecnoloxía elaborou este fantástico pasapalabra tecnolóxico.
Podedes participar achegándovos á cafetaría do centro, onde está exposto, ou xogar a través desta ligazón.
Graciñas Olga e Pablo pola vosa colaboración!!!
Nestes días, o profesorado dos departamentos de Ciencias anda a traballar nas súas propostas para a Semana da Ciencia en Galego.
Entre o 16 e o 23 de novembro realizaremos diversas actividades relacionadas con este tema.
Desde aquí queremos, ademais, agradecerlle aos nosos compañeiros e compañeiras de Matemáticas, Tecnoloxía, Física e Química e Bioloxía a súa colaboración. Sodes xeniais!
Estade atent@s!
Hugo, alumno de 1º ESO B, atopouse coa Santa Compaña mentres apañaba castañas para o seu magosto. Queredes saber que foi del?
Ollade:
Rodrigo é un alumno de 1º ESO B que tamén vos quixo facer morrer de medo neste Samaín. Que é o que pasa na igrexa dos Remedios?
Este é o seu vídeo:
Josué, alumno de 4º ESO A, tamén se animou a realizar o seu vídeo para esta noite de Samaín.
Aquí o tedes!
Pensabades que os nosos rapaces de 4º de ESO non fixeran a súa achega neste Samaín?
Pois estades enganados.
Aquí tedes o arrepiante vídeo de Javier de 4º A no Sanatorio de Cesuras.
Iker, alumno de 1º ESO C, tamén quixo converter o seu relato nun vídeo para que tod@s morrades co medo. Velaquí o tedes:
Seguimos amosando os vídeos da nosa rapazada.
Aquí vos deixamos o traballo de Nerea, de 1º A.
Un conto xenial!
Hugo López García, alumno de 1º de ESO B do IES As Mariñas, realizou este fantástico Pasapalabra sobre o Samaín.
Bo traballo, Hugo! E agardamos que o desfrutedes!!
Clicade nesta ligazón e adiante
Este é o arrepiante vídeo que creou Uxía, alumna de 1º C.
Bravo polo traballo, Uxía!
A semana pasada, o noso alumnado de 1º de ESO estivo a traballar o tema do Samaín. Para iso realizamos relatos de medo que se converteron en vídeos.
Velaquí o magnífico traballo da nosa Xiana, alumna de 1º B.
Parabéns polo resultado, Xiana!
E para rematar este fin de semana tan carvalhiano, ensinámosvos unhas imaxes do obradoiro que o noso alumnado de 4º de ESO realizou o venres 30 de outubro.
Moitas grazas a Olga Romasanta, da Cooperativa Rexenerando, e ao Servizo de Normalización Lingüística do Concello por ofrecernos esta actividade. Encantounos!
Unha das nosas alumnas, Edén Avecilla Carrera, elaborou este marabilloso rosco sobre a vida e a obra de don Ricardo.
Se vos animades a realizalo, enviámosvos as solucións!
Imos aló!!!
Chegou o día!!! Por fin o ansiado o último día de clase está aquí e para celebralo, rockeamos en galego. Hoxe tivemos como convidados á BULE...
